أنا محمد، كثير منكم شايف المقاطع اللي أنزلها بالتواصل الاجتماعي سواء كانت حوادث أو لقطات طريفة، مر عليك مقطع الوايت ؟ طيب الحادث اللي انصدمت فيه ١٠ مرات ؟ فيه مقطع بعد بس ما يصلح اقوله…. نرجع لموضوعنا
مع كثرة هالأسئلة اللي توصلني عن الداش كام اللي أستخدمها والفضول اللي عند الناس عن وش نوعها وكيف صورتها واضحة، جتني الفكرة ليه ما أفتح متجر يكون خاص بهالمنتجات وأوفرها لكم بدل ما كل واحد يدوخ بالبحث أو ياخذ شي ما يعرف عنه.
قلت بيني وبين نفسي يمكن يكون هذا باب رزق لي، وأنتم بعد بتستفيدون؛ لأني ما أبيع لكم إلا منتج أنا مجربه ووااثق منه، وتعرفون أني أوريكم الدليل بعينيكم من خلال المقاطع اللي تشوفونها عندي. فقررت أفتح المتجر هذا عشان أجمع بين شي تحبونه وتشوفونه ، وبين رزق الله اللي كتب لي